Цагаалга (Брээс)

Бидний хэлж заншсанаар  брээс буюу цагаалга. Заавал ажил явдалын үеэр мөн цагаан сараар  гэлт үгүй жирийн үед ч хийж идэхэд гоё тээ. Би их дуртай.  Монгол шар тосоо хийгээд хийхэд мөн гоё шүү. Хамгийн хялбар арга бол будаа агшаагчинд хийх. Яг будаа агшаадаг шигээ л хийнэ.  Гадаадад байгаа Монголчууд маань их асуудаг. Энэ аргаар хийгээд үзээрэй. Америк Канандад байгаа бол Walmart, Arabian store, Metro, Longo гээд дэлгүүрүүдэд шар тос Butter Ghee нэрээр байгаа шүү  Эсвэл хайлмаг хайлаад гарсан шар тосоороо хийгээрэй
Орц: 
– 3 аяга будаа, будаа агшаагчны жижиг аягаар
– 1 аяга үзэм 
– 3 амны том халбага шар тос (Монгол шар тос бол 2 халбага)
– 3 амны том элсэн чихэр 
– давсаа өөрсдөө тааруулаад хийгээрэй 
– усаа өөрсдөө тааруулаад хийгээрэй  (ер нь бол будаанаасаа дээш 2 хуруу ус хийдэг гэж ээж минь зааж билээ жоохон байхад)
Хийх арга:
Будаагаа үзэмтэйгээ хамт сайн угаагаад (4,5 удаа) будаанаасаа дээш 2 хуруу илүү ус хийгээд дээрээс нь шар тос, элсэн чихэр, давсаа хийгээд агшаана. Будаа агшаагчинд хийх дургүй юм уу эсвэл байхгүй бол жижигдүү саванд гал дээрээ хийгээрэй.  Галаа бага дээрээ тохируулаад зөөлөн удаан болгоно. Ширүүн галаар хийвэл түлэгдэнэ шүү. Болохоор нь сайн хутгаарай. Мөн нэмж амталахаар бол амталгаа нэмээд хутгаарай. Шар тос идэж болохгүй юмуу харшилтай бол масло хийж болно шүү.

Амжилт, амтархан идээрэй 🙂
(Энэ жороор хийхэд 3,4 хүн идэх хэмжээний болно)